وقت على هيئة كلام
إوعوا تفتكروا الحكاية
دنيا ضلمة والسلام
هو قبل الفرح هم
خد مكانه ف الامام
أصل بعد العسر يسر
حكمة من رب الانام
أيوة يابني الدنيا حلوة
مهما شوفنا من الالام
صعبة . يمكن
أيوة عايشين ف الزحام
بس جوه منها بردوا
ضحكة . والوشوش فيها إبتسام
يعني مهما دموعنا تنزل
غصب عنك راح تنام
يعني مهما حمولها تتقل
ليها رب . والقدر هو الختام
يلا يابني عيش حياتك
جوه كلمة السلام
خلي معنى للبساطة
والأمل إملاه غرام
حب نفسك . حب عيشتك
حب أهلك . إبني قصرك من الهيام
وإفتكر إن الحكاية
وقت على هيئة كلام
🌹🌿🌹🌿🌹🌿🌹🌿🌹🌿🌹🌿🌹
شادوليات
شاذلي محمد عبدالرحمن حسين
ليست هناك تعليقات:
إرسال تعليق