هالضحكة محلاها بقلم فؤاد زاديكي

هالضِّحْكِهْ ما أحلاها

شعر عامّي/ فؤاد زاديكى

هالضِّحْكِهِ ما أحلاهَا ... نَبضْ القلبْ اسْتَنّاهَا

كِلْمَا بِعْيُونِكْ بانِتْ ... نورْ عيُونِكْ حَلَّاهَا

خَلِّيها تِسْعِدْ لِقْلُوبْ ... تِعْرِفْ تِسْلِكْ مَجْرَاهَا

حالِةْ عِشْقْ تهِزّْ الرّوحْ ... بْغَمْزِهْ حِلْوِهِ شِفْنَاهَا

يا ويلي مِنْ هاللّعيُونْ ... بِتْجَنِّنْ ما أصْفَاهَا

اللهْ يْخَلِّيهَا ويْدِيمْ ... هالضّحْكِهْ نِتْمَنَّاهَا.