كل شعب49
كل شعب وله كيانه لا طمعان ف سلطه ولا مجد بس عايز يأدي الرساله ويكون سعيد ف حياته
ياكل ويشرب ويعيش في استقرار وسعاده وبربي ولاده
عايز يأكلها بالحلال من غير ما يمد أيده ولا يعلي صوته
يعيش في امان هو وزوجته وأولاده ومش طمعان ف حاجه
بيحب الخير لغيره وأولهم أصحابه ويعيش الحياه بفرحه وابتسامه
يعبد ربه بكل اخلاص وأمانه ومحافظ ع فروضه وسعيد مع أهله وجيرانه
بس نراعي ظروفه ونعلي مرتباته ونزيل الجرح اللي منه بيعاني طول سنين حياته
مش هايسرق ولا هايقتل بالعكس دا هايحافظ ع حبه ويقدم إخلاصه
لبلده ويسعى عشان يثبت وجوده ويحقق أحلامه وراضي بنصيبه
يبقى ناخد بايده مش نزعله ونحطم أهدافه وندوس عليه بمنتهى السهوله
مستعد يدافع عن بلده حتى لو ضحى بعمره عشان يسعد جيل متكامل ومش بيرجع عن قراره
ليه نكون السبب في تدميره ونشيل الاكل من قدامه ونخليه دايما يشتكي من جرحه وحرمانه
ما نسعده ونوفر له سبل الراحه من غير دمع والم وجرح واقف ع بابه
شعب يحب بلده وقد الأمانة لا خايب ولا بتاع لبانه بس اللي يهمه يعيش مرتاح بعيد عن دوشة الدبابه
عارف حدوده وبيأدي الرساله ومذاكر الأصول وعارف أن الموت ف انتظاره
بس يبقى عمل حاجه ف وجوده مش يترك الحياه وهو محروم من كل حاجه
ودا كشف حساب لكل شعب شاف الظلم ف حياته لكن ربنا موجود وقادر يغير أحواله......
الشاعر طاهر مختار عتيت
شاعر العصر....تحيا مصر
طنطا...كفر الزيات....اكوه الحصه
ليست هناك تعليقات:
إرسال تعليق