بتاريخ 24/4/2021
قصيدة ( بند باطل ع الورق )
بقلم الشاعر المصري
أحمد إبراهيم النجار
كنت بحلم اني افتّح
القي كل الكون سلام
بس كان الحلم وهم
فيه مواجع فيه الآلام
والسلام كلمه في صورة
ف المحافل بين ورق
واللى داعى للسلام
هو نفسه اللى سرق
حتى شمس الكون ظلام
والربيع اصبح خريف حر صيف مليان جفاف
والشقوق بين الدروب
والسنين فيها العجب
اللى مات بالجوع وفارق
واللى غارق واللى سالك
بين حدود فيها العجاف
واللى ميّت م التعب
كان بيحلم يوم يعيش
بس عمره اتسرق
والسلام كلمة قبيحه
فوق لسان اللى نهّب
كداب بيخدع
والحديث مالهوش سنّد
كلمة مكتوبه ف ورق
تبّت ايدين كل اللى قاتل
كل فجر بيتوَلد
تبّت ايدين كل اللى نافق
تبّت ايدين ابو لهب
اللى نافخ ف النيران
اللى واهب كل عمره
انه يخدم ف الشيطان
والسجود والطواف والعبادة للوثن
والطقوس حبة طلاسم
والركوع لأله صنم
والخشوع والخضوع
هو دين المخلصين
العارفين الساجدين
الخاشعين الخاضعين
للبنود ع الورق
السلام والأمان شعار سطور والصراخ مالي المدن
والأنين كاسي الزمن
كم طفل ميّت م القنابل
كم حلم فينا بيتسَرق ؟
اه يا حلم العمر شاب
والضمير ف الأمة غاب
والضياع اصبح وطن
والبند لسه ع الورق
والسلام فوق اللسان
والشعار والبند باطل
بين غيلان مجلس أمم
بين غيلان مجلس أمم
بقلم الشاعر المصري
أحمد إبراهيم النجار
ليست هناك تعليقات:
إرسال تعليق