أتشرف بتقديم دويتو غنائي من تأليف
الشاعر الغنائي / عرفات فرج الله بلبل
شاعرة الزجل / إيمان عبدالله والي
............................ إحنا سوا .......................
مين اشتري ومين اللي باع ....... ف الحب مين م التاني ضاع
مين اللي نادي ع الوداع
قلبي وطول عمره شاريك ........ والحب لسه بين ايديك
ولا الوداع فيا وفيك
ضحيت عشانك بالسنين ...... خليت زمانك فيه حنين
كنا سوا .. ف دنيا الهوا ......... مات فيا نبضي م الأنبن
العمر ليك عشته خلاص ..... فيا الحنين وفا وإخلاص
ومهما كان .. من الزمان ....... مماتش فينا أي احساس
كان حبي ليك نور ضى شمع .... وانت اللي حبك كانلي دمع
وبالفراق .. راح الاشتياق .................. فرقت بنا أي جمع
إنت الحياه ونور الشموع ..... والدمع فيك زادني دموع
لو ع اللقي .. بينا التقي ...... مهما كان فينا إيه موجوع
طريق مشينا سكته .............. وكنا هربت ضحكته
جرح وسرح .. فينا جرح ........ وتعبنا ياما ف دنيته
مهما اللي كان نستحمله ........... والفرح فيه هنلملمه
طريق طويل .. مش مستحيل ........ وببعصنا هنكمله
خلاص حبيبي إحنا سوا
وانتي حبيبتي ف الهوا
ياللا نسيب فرصه لأودام
وننسي الدموع ننسي الألام
ليست هناك تعليقات:
إرسال تعليق