ياريتنا ماكبرنا وفضلنا صغار......
وسابنا الزمان بصفانا ونقاءنا
ولا علينا جار.......
ياريتنا ما كبرنا وفضلنا لسه صغار........
ولا لف بينا الزمان ودار......
شايفك ياحبيبتي في الشباك رايحه جايه مستنياني طول النهار........
شايف عنيكي يا حبيبتي
اللى لونهم بلون الاشجار.....
وجمالهم اللي مشوفتش تانى زيه اللى علموني اكتب الاشعار.......
شايف الضحكه الصافيه طالعه
من قلب أصحابي فى ساعة صفا وهزار.........
شايف اخواتي ملمومين حوليه وسط الدار.........
شايف أمي وأبويه بيحنو عليه
وخا يفين عليه حتي من الغبار.......
ياريتنا ياريتنا ما كبرنا
وفضلنا صغار.......
شايف البيوت لما كانت بالطين والطوب الاخضر بالخير مليانه
لما كانت عمار......
وحواليها الزرع والخضار.....
كان نهارنا مرح.....
وليالينا فرح......
وكان الفرح فرح...
لما كان بالربابه والمزمار....
شايف جيراني......
في الفرح والكره زايراني.....
شايف الموده في عنيهم ودارنا كان دارهم ودارهم كان لينا دار....
ياريت الزمان ما تغير وكل شيء معاه أتغير....
وفضل كل شئ زى ما هو
وياريتنا فضلنا زي ما احنا صغار.......
احمد ماهر ابو نورا
شاعرالصعيد
ليست هناك تعليقات:
إرسال تعليق