قصيدة بعنوان :
( دنيــا غــدارة )
................................................................
يادنيــا ليــه بتسقينـي المــر كاسـات وكاســـات
وأنـا اللـي بعافـر واعافـر يمكـن من زمـن فــات
من يوم ما وعتلك وانا عادد نفسي من الأموات
وبـحـــارب عشـــااان أعيشــك وانــــــا بالــذات
عذابــك ليَّــا ليييه غيــة ياحلــــوة الحـلوات ؟
كـــله زي بعضـــه واللــي باصحــى عليــه ببـات
دنيــــا غـــدارة وكستهـا مــن المحيـــا للممـات
ياغاليـة فيكــــي الناس صنفيـن مَـلِك وشحَّـات
لابـس حريــــرك زيــــه زي اللــي لابـس عبايات
والفقــــر مـش عيــب بـس الغِنـى برضــه نيَّـات
طـب اسقينــي الحلــو مـــرة أغنيلك بالساعـات
ده لما بتضحكيلـي في يوم بانسـى كل اللدغات
آآآه لمــا بتروقــي حبَّــــة بتسقـي الكـل مُغـات
ولمـــا بتقلبـي ياحلـــوة أصــــرخ أنــا بـالآهـات
ده اللي ماسـك فيكـي ماســك بــأيـده الجمرات
واللي باعـك حجز مكانـه مع الحـور في الجنات
أسيبك تبيعـي وتشتري فيَّـا وتغريني بالشهوات؟
هـه.. طب طلقتك بالتلاتـة لأجـل رب السماوات
.................................................................
بقلمي / عبد الناصر سيد علي
ليست هناك تعليقات:
إرسال تعليق