قصيدة لشرح سورة الأعراف
________________
سبب تسميتها
لحديثها عن الاعراف
اصحاب سور مابين
الجنه والنار
اعمالهم تساوت
حسنات مع سيئات
لايستحقو عذاب النار
ولا النعيم مع الابرار
وقفو بين الاتنين
لرحمة الله منتظرين
يفصل بينهم بعفوه
وبفضله مع الفايزين
ربك غفور رحيم
وبكل عباده عليم
وأكيد ليهم مغفره
من رب العالمين
وده سبب تسميتها
ندخل بقي في عظاتها
بتحكيلنا عن صراع
بين الرسل وأقوامهم
وإن القرآن كتاب
علي الرسول انزله
كي لايكون في صدره
ضيق او حرج
وابشر يامحمد
من ربك بنصر وفرج
انزلنا ليك كتاب
فيه العبر والحجج
لتعظ بيه الناس
وتذكره للمؤمنين
وتخويف لأهل الكفر
عصاه ومشركين
وامر من ربنا
باتباع الرسل جميعا
ماتتبعوش الشياطين
ولا تتبعو المشركين
ويكونو ليكو اولياء
من دون رب العالمين
ولا أئمة الشرك
ولا كلام الضالين
وتذكرو يامؤمنين
واتبعو الرسول الأمين
ياما اهلكنا قري واقوام
اتبعو الكفر وكانو لئام
نالو من الله العذاب
رغم الحصون والابواب
وهما في غفله نيام
وكمان في عز النهار
حصونهم عليهم تنهار
لاقدرو يحمو نفسهم
ولا نفعتهم آلهتهم
عبدوها من دون الله
واتبعو أهوائهم
وبعد ماداقو العذاب
اعترفو بظلمهم
انهم كفرو بالله
وتفيد بإيه الآه
ويوم القيامه السؤال
بعثنا فيكم رسل
وبلغوكم اوامر الله
اعترفو وقالو نعم
وكنا من العصاه
دي قصص وعبر
في السوره لمن يعتبر
قبل وضع الميزان
إلحق ياإنسان
آمن بالقرآن
والنبي العدنان
ليه تكون من الاعراف
وليه تكون خسران
ميزان المولي عادل
لاظالم ولا مايل
ربك اسمه الحق
وان رحمك تبقي جمايل
خلي كفتك طبه
وكتر في الطاعات حبه
وخليك جميل الشمايل
ربنا سخر لنا
كل شيئ في الكون
وكمان سبب لنا
اسباب الرزق والعون
فاشكر ربك واحمده
رب رحيم وحنون
خلقنا في احسن صوره
وبفضله الارض معموره
اياك تتبع اللعين
رفض السجود لله
وكان من العاصيين
اتكبر علي مولاه
ماسجدش مع الساجدين
ملايكه اطاعو الله
وكانو من الطايعين
دي سورة الاعراف
وغيرها من القرآن
إنذار للكافرين
تنبيه للغافلين
تذكير للمؤمنين
بركة رب العالمين
بيه يكمل الدين
نزل بيه الأمين
جبريل لرسول الله
فيه تمام النعمه
ومانع لكل نقمه
تربيه لخلق الله
انس وجن أجمعين
________________
Ghazala Attia غزالة عطيه
ليست هناك تعليقات:
إرسال تعليق