قصيدة لشرح سورة الأنفال
ــــــــــــــــــــــــــــ
سوره من القرآن
فيها حكم وبيان
فيها تشريع وحكم
في الجهاد والسلم
وعوامل هزيمه ونصر
من خلال غزوة بدر
لما أصحاب الرسول
سألوه عن الأنفال
وازاي تكون قسمتها
والانفال يعني الغنائم
اللي في بدر اغتنمتها
وده سبب تسميتها
رد المولي عليهم
بآيات تبين لهم
نزلت علي الرسول
فيها خلاصة القول
ان حكمها لله
ولمحمد الرسول
وانتو عليكم الطاعه
لأمره والإنقياد
وامتثال للأمر
والتقوي ياعباد
باجتناب نواهيه
والبعد عن معاصيه
ويكون بينكم موده
وعفو مش تقاصي
ان كنتم مؤمنين
حقا وموحدين
وصادقين النواصي
وإذا قرئ القرآن
وذكر اسم الرحمن
وجلت قلوبكم خشيه
وامتلئت بالايمان
وأسرعت للطاعه
بالروح والأبدان
تنولو رضي الرحمن
وتحافظو علي الصلاه
في وقتها لله
وعليها تداومون
وعليه تتوكلون
يفيض عليكم الرزق
من مصادره الحلال
وتتحسن الاحوال
وتكونوا مؤمنين
مش بس مسلمين
تفوزوا بالمغفره
والجنه والنعيم
من صاحب المقدره
الغفور الرحيم
فقسمة الانفال
لله وللرسول
وعليكم الإمثال
والطاعه فعل وقول
وقتال المشركين
والكفار العاصين
واجب رغم كرهه
لبعض المؤمنين
لاجدال ولا هروب
فالموت عليكم مكتوب
بالسيف أو بغيره
مافيش منه هروب
مكتوب لكم النصر
وبالغنائم الظفر
ودا وعد من ربنا
لعباده المؤمنين
علي صناديد الكفر
والعاصين والمشركين
حتي يبان الحق
ويزهق الباطل
بكل البراهين
ولو كره المشركون
ياعبد عاهد ربك
ع الطاعه والإيمان
ونمي إيمانك دايما
بالذكر والقرآن
وطاعة الله ورسوله
برضا وإذعان
تنال في الدنيا خيره
وفي الآخره الرضوان
_____________
Ghazala Attia غزالة عطيه
ليست هناك تعليقات:
إرسال تعليق