كنت فين ؟ (385)
...............
فلت الزمام يا أبو البنات
والفرع مال جنبك ومات
شايف وراضي
التوب يكش
ومن سكات
ممنوع تهش
لا بنيت في سدك
راح حطام ..
والبنت قادره فى الكلام ..
والألف لون عالوش بان
لا الأم عادي حالتها حال
ووجودها عدمه
أكنه كان
ما الفقر واكل فى البيبان
والواد وخاب ترك العلام
جاي النهارده تقول هسد
كان غيرك أشطر
باش سي حد
والغصن عاش براك ومد
فلت الزمام لا لجمه شد
كنت أنت فين
وسنين تعد
وعينيك تكدب أي حد
أقرأ كلامي بكل ود
لا هو عيب تحاجي وتبقى جد
والناس بتسأل
عايزه رد
كنت فين ؟
بقلم .. صبري رسلان
ليست هناك تعليقات:
إرسال تعليق