( وصيتى )
وصيتى يابنى
إنك إنت تحمى زادك
لما أموت إعلن حدادك
فرحتى فى القبر تبقى
لما أشوف يابنى إجتهادك
وصيتى يابنى
أمك إنت لازم تصونها
أوعى يابنى فيوم تهينها
كون سند وياريت تعينها
بعد ربى تكون باقيلها
وصيتى يابنى
الحياه عيشها بسعاده
الأساس فيها العباده
صوم وصلى وإفتكرنى
لدعوه هبقى فى أعز حاجه
وصيتى يابنى
الحرام أوعى تجاريه
لو فى خير طب ليه تداريه
لو حلال دايما خاويه
وأى خير إبقى إمشى فيه
وصيتى يابنى
لو غلط أنا فى الحقوق
إصحى إنت كمان وفوق
ياما نفسى تبقى طوق
للنجاه فيوم ألتقيه
وصيتى يابنى
تحياتي/
مدحت لطفى عبدالعال
ليست هناك تعليقات:
إرسال تعليق