(( شـواكيش ))
بقلمي / عصام حسيني السيد مدين
....................................................
حتفضل يا شاعر قصايدك فاشوش
حتنزف حــروفَـك و حِـبرك يبـوش
حتفضل تِعـاني و عــامـل بَـشوش
ما بين المطـارق و تحت الـشـاكوش
....... ....... ....... .......
شــــــــاكـــوش الـــبَـــــــلادة
شاكوش السعادة المزيف وِ سَادة
حتفضل مَـرارة شـاياتك زيــادة
حتغسل دموعك تاريخ الــولادة
و تِطلَع شـهـادة مَــلانة بخـدوش
....... ....... ....... .......
شاكوش القصايد و دَق الحـروف
شـاكوش المـَذلة و مَـد الكفوف
شـــــــاكـــوش الـــظــــــــروف
شاكوش و اللي تحته بيشعُر بخوف
حـروفـك كهوفـك و خُـوفَـك يلـُوش
....... ....... ....... .......
شاكوش الطيابة شاكوش الرتابة
شاكوش الخيابة في دنيا كغـابـة
تِشـقَـق جِـبـيـنـك مـَخـالـب ديـابة
شاكوش الـوسايط بيضني الغـلابة
حتنده و نــاســك مُـجـرد وشـــوش
....... ....... ....... .......
شاكوش التخلـُف في حرفـك يشَرف
حَتصرُخ و تلقُف حتـوعِـد و تِـخـلف
حتكدب تِـسَوِف قصيدتك تِخَـوف
ده حرفَـك بيشكي و قَـلـمك بينزف
تِكَفِن ديوانـك تِشيلُه فـي نُـعـوش
....... ....... ....... .......
شاكوش البنوة الخسيسة الجبـانة
شــــــاكــــوش الــخِــيـــــانـــــة
شـاكوش الـغـباوة و قَـتل الأمـانـة
شـاكوش المـيـاصة و مَـضغ اللبانة
شـباب الـقـهـاوي المخـاوي الهـامـوش
....... ....... ....... .......
شاكوش الصداقة اللي صارت غماقة
شاكوش الخـلاعـة شاكوش البذاءة
شــاكوش النطاعــة و فَـرم الكفاءة
شاكوش افتراقنا دخـولنا في خنـاقة
و أتـاري اللي فـاضل في دُنـيـا الوحوش
مـُــــجـــــــــرد شـــــــــاكــــــوش
....... ....... ....... .......
نِـســينا المحـبـة مِسكـنـا الشاكوش
قَـتـلـنـا اللي بيننا بضـربـة شـاكوش
شاكوشك هـاددني بـلاش الشاكوش
هـاودني بـلاشُــه مـا تِـرمي الشاكوش
.................................................
بقلمي / عصام حسيني السيد مدين ..
ليست هناك تعليقات:
إرسال تعليق