غلفيني
غلفيني بالمحبة
وحوطي بإيديكي حبه
خلي روحي تستخبى
جوا حضنك والأمان
أصل قبلك كنت شارد
جوا قلبي الحب بارد
وأما شوفتك قلت وارد
إني أعيش جوا الغرام
لملمي فيا السنين
إللي ضاع منها الحنين
نفسي أعيش بيكي يومين
وأنسى دمعي إللي كان
احرسيني بين إيديكي
ياللي أول مرة ليكي
قلبي يعشق ويناديكي
يا سفينة من الأحلام
إروي من ضحكك زماني
زهري فيا الأماني
نفسي أعيش ولو ثواني
يغرق قلبي في الحنان
علميني إيه مشاعر
وإن قلبي يبقى شاعر
جوا حضنك إنه شاطر
وإنه أقوى من الزمان
إضحكيلي وقت حزني
إفهميني قبل ما أحكي
ما تسبيش للقلب دمعي
تجرحه فيا الأيام
كرم ميخائيل
ليست هناك تعليقات:
إرسال تعليق