فستان و طرحه (426)
.....................
وسجنت نفسي جوا
قلب ما حبنيش
محرومه نظرة من عينيه
ما تضمنيش
الشوق في قلبي بيترسم
فستان وطرحه
وحبيبي قاسي ليه
في هواه همساته جارحه
الليل بطوله بنكوي
على نار غيابه ..
وأقعد أفكر فيه ساعات
أحاسيسي دابو
مشتاقه يسمع شكويتي بغرام يطبطب
ولا يحن لدمعيتي
وفى حضنه أفضفض
هو الغرام بالشكل ده
دموع وحيره
أشواك بتجرح
عطر ليل بعناد وغيره
إمتى يحس يا قلبي بيك
وتقول شاريك
حتى العتاب ما بيسمعه
باين ناسيك
أول ما أشوفه هنسى
إنه ده حبيبي
وعيوني ناويه عالخصام
وأكتم لهيبي ..
لحظات لا حسيت
فين أنا ولحضنه رايحه
وعيوني تشكي له بدلال
هايمه وسارحه ..
لا عدت فاكره إنه كان بينا فيه خصام
دوقني إحساس بين أيديه حب وأمان
عوضني حلم
ما عشتهوش جواه زمان
حاضن أيديا بين أيديه
بورود حنان
ورسمنا قلبين للغرام
نهايتها فرحه
وغزلنا من ضي القمر
فستان و طرحه ..
بقلم .. صبري رسلان
ليست هناك تعليقات:
إرسال تعليق