وكنت كتير باغنيلك وباحكيلك
عن الأحلام عن الأشواق
عن الحزن اللي جوايا
واهد ف نفسي وابنيها
تتوه الغنوة من بالي
أفوق وارجع اغنيها
عشان انتي الكلام واللحن
وشايلة كل معانيها
خلاص خلصت حروف قلمي
لكن لسه الكلام بدري
ولسه ف قلبي ليكي غرام
يهز الدنيا قدامك
اشيلك طوبة ورا طوبة
وهابني بْيَدِّي احلامك
مانا الحلواني لو فاكره
غرقت ف شهد ايامك
ومين غيري اللي يتحمل
عشان خاطرِك
ومين يقدر يتوه في الغربة
من سحرِك
ومين يقدر في عز الخوف
يشيل ويخف عن ضهرِك
انا الفلاح وانا المصري
وانا المفتون بتفاصيلك
انا العامل وانا البَنَّا
وانا السهران
وانا العاشق جمال ليلك
وانا اللي كتبت فيكي كتير
وساعة الحزن اناديلك
وشمعة حب سهرانة
وانا ف ليلك
أكون في الضلمة قناديلك
ولو دمع العيون سارح
ولا يهمك يا نور العين
اكون في الدمع مناديلك
الشاعر محمد ياسين
ليست هناك تعليقات:
إرسال تعليق