المستثمر الصغير
مستثمر لكنى صغير
سخى جدا لكنى بخيل
وبخلى واخده أنا وراثه
ومتسجل فى كراسه
ومن بخلى كمان عايش
عايز لقلمى أنا حراسه
وكل الناس تشوفنى تقول
كلام ياما أساسه فضول
بخطط كل يوم مشروع
واحلامى ماعارفه رجوع
دراسه الجدوى قدامى
أساسها إن العناد ممنوع
وبابنى لحلمى أبراجه
يشوف حلمى اللى محتاجه
ووسط طريقى بلقى قلوب
فى بحر بيبقو أمواجه
وأدوس عادى على اللى يخون
مادام هونت لابد يهون
وعامل تاج على راسي
وفوقه جميل من اللى يصون
تحياتى /
مدحت لطفى عبدالعال
ليست هناك تعليقات:
إرسال تعليق