(((قدر ومكتوب)))
ومين اللي كتب
فى البعد أقدارنا
نارك يابعد بتكوي
وعنبوح بأسرارنا
وكتر دمع العين
هيقصف أعمارنا
ليه ياعم البعاد
تطفي شموع دارنا
كل البشر فى فرح
طفيت لنا أنوارنا
ونار الشوق تختلف
واسأل جمار نارنا
قلبي الوحيد أختارك
مع كتر زوارنا
إسمعيني
لو وردك دبل بالليل
والدمع كوى خدك
وعتم ظلام الليل
وموت الأمل شدك
وضاقت خلاص الفرج
وفيها مات ودك
يبقى مازال الأمل
وما زال الفرح عندك
دا انا اللي وردي شل
سقيته كل العسل
قالي دا عسلك خل
حلفته يوم بالنبي
أرحمني وأدعيلك
قالي بحق النبي
ما يرويهوش غيرك
سهران طول الليل
اتحاور انا وطيفك
أقوله كفايا كدا
غاب ربيع عمري
حرام عليك البعد
وطالت شموس صيفك
برغم البعاد أنكتب
عمره فى يوم ماشطب
إحساس كان ليكي
لو خيروني بالبشر
بروحي انا افديكي
دا عند السلام واللقاء
بتسحرني انا عنيكي
الناس بتسكر خمرة
وانا سكري فى إيديكي
وعيني تنزف شوق
ونبضي يناديكي
تعالي هنا مسكنك
دا الروح دابت فيكي
صدري هنا مأمنك
برموشي افليكي
ودمعة لهيب الشوق
تنزل تدفيكي
يالي الجفون مرقدك
ورمشي يغطيكي
وحياة حبيبك النبي
كفي بكايا عليكي وكفكفي دموعي
وخلي وسادي إيديكي
بقلمي
نبيل عبد الحليم
٢٨/٢/٢٠٢٢
ليست هناك تعليقات:
إرسال تعليق