( نتمنى نفوق. )
بنقابل ناس وسط حياتنا ممنوعه ماالفهم
وفى وسط كتير لما تلاقى يوم واحد شهم
وشهاده الزور كترت جدا وذادت عالحد
وراجل كام مره فى كام موقف ماكبرش لحد
وشباب فى الشارع ماشيين شايلين فى هموم
لو تسال نفسك مين ضله وعليه اللوم
ممكن تحتار أن دا وضعه وتقول مجنون
ماهو كان موهوب يوم فى طفولته أصبح محروم
النعمه جميله وبتدوم عند اللى يصونها
وبشكر المولى وعبادته ماتعانى زوالها
وياريت الناس عايزه تفهم تفسير الدنيا
ماشين فى الدنيا وناسين أنها يوم فانيه
والاخ يعادى فى أخوه يجرحو ويهينو
لو بينا فقير يوم بيعانى ماأحناش عاذرينه
وتملى نزود فى أهاته بالإلتزامات
ونسيب الدنيا تلطشله هنا فى الأزمات
هنفوق إزاى بس وإمتى ونرجع لله
لو عشنا نراعى فى بعضينا راح تحلى حياه
ولا يبقى مابينا فى يوم أزمه ولا سوء أخلاق
وتدوم الصحه والعافيه لو وسط وباء
تحياتي/
مدحت لطفى عبدالعال
ليست هناك تعليقات:
إرسال تعليق