يعوض علينا ربنا
القضية هيا هيا
وهيا هيا المحكمة
والقاضي تأجيل كل يوم
مفيش رفع لمظلمة
والحكاية من سنين
مش لسة مبدوعة السنة
عمال نعافر بالأصول
لكن الطباع مش زينا
نقول نصيب رضينا بيه
فين القلوب المؤمنة
سرقة سنين وعمر ضاع
وغلطنا إحنا بحقنا
ندلع كتيرونخاف كتير
لجل الصغير يصير كبير
ومعاه يكبر همنا
مال بأيدينا بختنا
زرعة وخابت مننا
السن شاخ
والكتف ناخ
الظهر قوس وإنقسم
فين ولادنا مننا
فين الولاد فين العزيمة
تلاقي السيجارة والسلسة
فين الكرامة لما تبقا المدام
صاحبة كلام على أم أكلها العمى
فين الرجولة عايش سعيد
والاب قلبة عليك دمى
لا فية كرامة ولا فية رجولة
مادام بهية
فى كل شيء متحكمة
ومين بهية
لقلة أصول معلمة
ونسمع كلام يقولك اية
يقولوا ملعونة الحما
فين الحما دا البنت طالعة من بيت أبوها متعلمة
راعي أبوك
ليه الضميىر جواك يموت
كفايا كدا
يابني حرقتوا دمنا
ومن أفعالكم
إنتوا وزمانكم
والله مانتوا زينا
البركة رحلت
وعاتبنا فيها رزقنا
أزمات وحلت
يشيل عنا ربنا
واللي إحنا فية
دا زرع ٱيدينا ومننا
ولسة القضية قدامها يجي مليون سنة
طول ما احنا بننهج
نهج اسمة العولمة
ونسينا دينا وكمان قيامنا ونفسنا
فى عمر السنين
يعوض علينا ربنا
بقلمي
نبيل عبد الحليم
٢٣/٤/٢٠٢٢
ليست هناك تعليقات:
إرسال تعليق