بدر فوق سطر
حاضر في كل سطر ونقطة
والريشة ترسمك كيف ترضى
في لقلوب داير لك حطة
من عين الحاسد ياك تحضى
بدر فوق سطر تحضر وتبان
شهدة ومزينة سر جباح
نعمة مخبية في كل لسان
ومسطرة داعب لرتياح
غادي مرتاح في كل حدايق
منو لحقايق ياك ساطعة
طافي اسرار كل ضيايق
لهنا منو شمسو طالعة
ومعايا يتكلم بكلام
اصديق ويفاجي مابيا
ويسافر بيا في لحلام
دايرو احبيب وعينية
صحبتو احسن من شلى ناس
حرفي مسكون ياك بماليه
الهام رزين كلمة واحساس
ماشي هضرة للي جا يديه
كل واحد معروف بالشطحة
وانا لساني عربي وشلحة
بقلم صقر الحروف الزجال المحجوب بوسبولة
ليست هناك تعليقات:
إرسال تعليق