حياتي
بقلمي يحيى حسين
طول حياتي
وأنا عايشها
كنت بقول
ع الدنيا وحشة
ولما جيت
خلاص أفارق
لقيتها حلوة
وليها وحشة
فيها إبني
نور عينيا
وفيها بنتي
حب عمري
أحلى حاجة
في الدنيا ديه
هو شمسي
وهي قمري
نفسي أجيب
من الدنيا ديه
أجمل حاجات
ليهم هدية
دول نبض قلبي
عصافير في غيه
وأنا القتيل
وما كان لي دية
يارب مد في
عمري ليهم
نفسي أنام
وأتغطي بيهم
ولو فارقت
أنت اللي ليهم
خد يا ربي
في الخير ايدهم
عاشت معايا
والنفس غافلة
والعمر لحظة
و الموت في غفلة
وبكرة قريب
ونجومه آفلة
ما قدمت ليه
فروض ونافلة
يا رب أغفر
خطايا ذنوبي
ما تخلي ورثي
ليهم عيوبي
ضعفت كتير
يا نفس توبي
بكرة أفارق
وأشوف غروبي
يحيى حسين القاهرة
20 أبريل 2022
ليست هناك تعليقات:
إرسال تعليق