التليفون
الأدب له أنماط وأشكال عديدة والشعر يمثل إحداها ؛ وغيره هناك القصة والرواية والسيناريو وأدب الرحلات وترجمة الشخصيات أو السيرة الذاتية والنقد وفن المقالة وفن المقامة ؛ ومن فن المقامة كتبت ورسمت هذه الصورة •
( التليفون )
بالليل فى عز السكون • رن صوت التليفون
جريت جريت أوام
وبسرعة رديت عليه • وقلت مين يابيه
رد على الكلام
قالت لى أنا واحدة ست • وانا نايمة قلقت
وقلت أتسلى حبه
رديت عليها بقرفه • ومزمزت ليها الشفة
قامت فى سابه
قالت لى ياعديم المروءة • ليه مش زى روءه
والواد حودة روشنه
دول عيال كيوت • بيحبوا يكلمونى موت
وبيحصل بينهم نفسنه
قلت لها بس ياكبه • هوه احنا ف أوروبا
ارحمى ودنى وسيبيها
قالت لى ياابن الهرمه • اسمع بس كلمة
وتبقى تغور بعديها
أنا أسمى شاهنده • حاحطك فى الأجندة
اسمك إيه ملينى
قلت لها أنا مستغنى • عايش كده ومتهنى
ياريت بس تسبينى
قالت لى هوه انت تطول • ياشبه قدرة الفول
ياعديم الأحاسيس
قلت لها آه يابايخة • باين عليك شايخة
ومش لاقيه أى عريس
قالت لى ياواد فشر • أنا فلقة قمر
والكل بيتوددولى
دوخنى ياناس كلامها •رحت على طول سائلها
بلاش تهجيص وقولى
عارفه صحيح شباب • ردى بصريح الجواب
وفضلت فيها أسرح
قالت لى دى كانت كذبة • ياعقل جوه فزبه
بس علشان تتلحلح
طلبت منها ميعاد • جنب طريق الإستاد
وفرحتى مش سايعه الكون
لقيتها ياناس بلمت • باين عليها عسلت
رحت قافل التليفون
~~~~~~~~~~~~~
الأديب والشاعر
والمحرر الصحفى
ايمن عزالدين سكورى
من مدونتى
صداح فى بلاد غريبة
ليست هناك تعليقات:
إرسال تعليق