لما دموعك
لما دموعك تملي عينيك
وتشوف خوفك آثر فيك
وتلقي الناس من حواليك
بدأوا ف لحظة يجوا عليك
لما تقول دول أغلي الناس
لكن فجأة بيبقوا رخاص
وتوفي وتدي م الاحساس
ويلونوا بايدهم لياليك
إعرف إن الدنيا دنيه
لا عليك باقيه ولا عليه
والناس فيها هما رزيه
والكل بيلوم بس عليك
وكلمة عيشها الدنيا أمان
قصة وكانت ف خبر كان
والله يرحمك بقي يا زمان
عايشين نترحم بس عليك
الشاعر / عرفات فرج الله بلبل
ليست هناك تعليقات:
إرسال تعليق