حاجي بقا تعفيس بقلم عيسى وسوف باظة

.....حاجي بقا تعفيس.....

حاجي بقى تعفيس مات الشعب 

كافي تظلم ع العباد وإفترا

تاجر جشع ما بيعرف أي رب 

وموظف عندو الرشوة مسعره 

ومسؤول بالأموال عم بيضب 

مزبط إمورو مرتبات ومسوكرا  

شحاد كان اليوم دغري قب 

لابس عباية وسيارة فاخره 

بهالوقت شو شغال كار النصب 

والغني من غنى صابو الكرى 

والفقر غول دب فينا الرعب 

وقالوا فقرنا من ورا لمآمره 

قانون قيصر فارضينو الغرب 

خلا حياة الناس كلا مشحرا 

والناس هجروا وما بقي ولا شب 

أكتر عقول البلد مهاجره       

هيدي بخانة مين عم بتصب

مات الوفا والصدق مات الحب 

ونحنا إنفقرنا ولبلاد مدمره

 .....بقلمي 

الشاعر عيسى وسوف باظة