إتغيرنا
اتغيرنا من كتر مافينا
والضحكة غريبة علينا
إتغير لون بشرتنا
واليأس مسك ملامحنا
زبلت ورود احلامنا
والعمر ضاع منا
والجسد خلاص مهدود
والآمل كمان مفقووود
اتغيرنا بهم ممدود
والقلب بقى مشخووط
والحب فيه بيموت
لا له صدى ولا صوت
اتغيرنا في حس الروح
لا ذكرى عادت تسعدنا
ولا بكره في شئ يفرحنا
ويشفي نزيف جروحنا
اتغيرنا واتغيرت مشاعرنا
والصبر ذهق منا
دنيا غريبة بسفوحها
بظلام مسك روحها
والنفس مليانه جروح
والصمت عشق الروح
اتغيرنا من كتر البوح
والغربة طالت لياليها
والفرحة مش ناويه تواسينا
اتغيرنا من كتر ما بينا ❌❌
بقلمي
بلال سامي الديب
ليست هناك تعليقات:
إرسال تعليق