ـــــــــــــــــــــــــــــ
الإعتراف مني قبل ماأحكي
أنا مش بزايد ولاأعرف فيه
حواري يفجر كل قوافي والموازين
فيه كلام جواية رسالة للغالين
مااعرف أقوله بوزن وقافية
اسمعوا مني بلغة العين
سلام عليكم أصحابي
ألف سلامة علي الخلان
عندي نصيحة ليكم حابة
ممكن أنصح وللا سلام
سامع واحد فيكوا يقول لي
بطلي يااختي لماضة واحكي
وادخلي ياللا في الموضوع
حاضر تأمر اخويا الفاضل
أصل الموضوع دا صعب بجد
الموضوع بصراحة النت
لغة العصر الواد والبنت
ضحكة كبيرة والله يااخويا
كذبة وتلحين من الإتنين
تلقي الواد عامل روايات
رسم ووهم على الفتيات
عامل نفسه الرجل الخارق
علي كل البنات والستات
أحلي كلام تسمع منه
علي النت اجمل روايات
روحي وعقلي أختي الغالية
عزيزتي حبيبتي سوسو ونادية
طب والبيت ماتخلي شوية
زوجتك اختك والأهلية
ليهم حق عليك إسمعني
هتسأل عنهم يوم الدين
واترك وهمك والروايات
خربوا بيوت والله كتير
تلقي الست تسمع زوجها
سب وضرب والتنكيل
تهرب تجري تفتح نت
تسمع أحلي كلام وياك
تكره زوجها واللي جابوه
أصل ماسمعت صوتك هية
مع أهلك والزوجة هنية
إللي معاك ما متهنية
كانت عرفت قيمت زوجها
صبح وليل تتشكر فيه
قول لي بالله غرضك إيه
تنشر صورتك كل شوية
كحل وروج وللا الفتيات
ماتركت إغراء للبنت
قومت بدورها بأكمل وجه
تسريحة للموضة الجاية
ولو للأصل تيجي تلاقي
شكلك انت إزاي تلاقيه
إرجع أصل الدنيا دي ليلة
يوم لك والتانية عليك
وزي ما تلقوا ظلام الليل
تلقوا الفجر وليه أتباعه
نورهم يسعي دايما وياهم
🌗 قمر وبيهدي كل الناس
دخلوا مجال النت كدعوة
بنصيحة ودعوة بإخلاص
إصلاح وهدفهم الآخرة
مش شكر وشهرة وخلاص
بدعي الله ليا وليكم
نبقي سراج للظلمات
ـــــــــــــــــــــــــــــ
Ghazala Attia
غزالة عطيه
ليست هناك تعليقات:
إرسال تعليق