أنا الحرامي وبعترف
إني سرقتك
ألف مرة
ومش هتوب
خطفت قلبك يوم حبيبتي
ومن ساعتها
ما بقتش خايف
من الذنوب
وازاي ف حبك يكون لي شيء
غير إني فيه
ف كل يوم
أكتر أدوب
أنا الحرامي
سرقت من حبك
مشاعر
ما بقتش
تسكن ف القلوب
وسرقت شعرة
من ضفايرك
احضنها ف وقت
الغروب
وسرقت من خدك
ورود أشمها
ف كل الدروب
قالوا عني شاعر
وأنا الحرامي
أبص ف عيونك
أنقل حروف
وتكون كلامي
وأنا بستهجي
يدوب يدوب
أنا الحرامي وبعترف
إني سرقتك
ألف مرة
ومش هتوب
الراوي
ليست هناك تعليقات:
إرسال تعليق