أسير حبك
بقلمي يحيى حسين
ما عدت قادر استحمل
اسير البعد والحرمان
اسير للذكرى وعيونك
وذكرى عيونك سياط سجان
وانا وحدي في زنزانتي
وجلادي هو انت
ليه طويتي شراع حبي
ومركب قلبي صبح غرقان
اسير القسوة والوحدة
مسيره مرة في يوم حيثور
مسيره يفك اغلاله
ونبض القلب يبقى جسور
ويرمي عنه أحزانه
وعشق السجن وسجانه
ويبل شفايفه بالميه
حرام قلبي كتير عطشان
تعبت من الصبر وصبري
طريق كله جدار وسدود
دا حتى صبري زهق مني
دا حتى الصبر اكيد له حدود
ولكن حبك حيندهني
يا سر ضعفي انا ووهني
واكيد قلبي حيسمعله
ويرجع تاني لقفص وقيود
اسير للحب والاحلام
وقدام حبك قلبي جبان
ومهما اتعذب أنا ببعدك
حيفضل حبك وطن عنوان
يحيى حسين القاهرة
1 يوليو 2020
ليست هناك تعليقات:
إرسال تعليق