ـــــــــــــــــــــــــــــ
الناس عايشة في دوامة
مش عارفة بداية ولا نهاية
مدوخاهم ليه ياالدنيا
ايه بس أصل الحكاية
يجوا لكى شمال ويمين
تتوهيهم في بحر سنين
تعطشيهم بشوق وحنين
يرجعوا عطشانين بأنين
ماتقولى إيه الرواية
تعباهم ليه عصيانة
علشان غلابة وشقايانين
تزيدى جرح التعبانين
مالهمش غير رب العالمين 🌏
يداويهم من تعبك وأنين
ذكره يطمن قلوب مساكين
يفرج عن مهموم وحزين
الناس وياكي أغبية
لفرحة منك مستنية
لسعادة أو حتي شوية
ضليتي طريقهم ياالغاوية
أتارى حجمك مابيسوى
جناح بعوضة عند المولى
عرفوا إنك زايلة ما دايمة
لجأوا للحى ما يفنى
مايموت ولاتأخذه سنة
من نوم ولا حتى الغفلة
عنده خزائنه مليانة
يعطى بكرمه بزيادة
طلبوا منه يعيشوا الفرحة
أعطاهم بكرمه وزيادة
شكروا الله على نعمه
ماتعد ولاتحصى للحظه
لو عددوا نعمة من نعمه
لسجدوا لشكره وعبادته
دا الناس عن شكر الله عجزة
_____________
Ghazala Attia
غزالة عطيه
ليست هناك تعليقات:
إرسال تعليق