(عام على رحيلك يأغلى الحبايب )
عدت سنه
على أمى أنا
عدت سنه أيوه إتحرمت من الهنا
روحت أزور يوم قبرها
اللى عشت فى ضلها
وإبتديت أحكى لانى جنبها
كنت عايش أيوه حاسس حبها
ولاقتنى فجأه بقولها
فاكره يأما
فاكره يأما كلمتك
ولا فاكره وصيتك
لما نزلت دمعتك
كلمتك دى ماتتنسيش
قلت يابنى يابن قلبى
نفسى بالفرحه تعيش
وإن دول سندك وضهرك
وانت علشانهم تعيش
أوعى ترضى بأى غلطه فى حقهم
أوعى حد يمس مره ضفرهم
أوخيالهم أو قرينهم
أو هوا لو مره عدى جنبهم
أيوه لازم تبقى دايما ضلهم
أوعى حد بكلمه مره يهزهم
أنت جبل وإبنك لابد يكون جبل
أوعى مره فى يوم تضيع حقهم
أصلك انت نويتها سنه
بس صبحت يابنى فرض
أيوه يابنى لازم تصونهم
زى أرض وزى عرض
أوعى مره فى يوم تسيبهم يجرحوك ويزعلوك
حتى لو أقرب مافيهم كان أبوك أو كان أخوك
قولهم عندى أمانه
وبإرادتى تعيش معانا
قولهم ربى رزقنى
وهشكره ليوم القيامه
مدحت لطفى عبدالعال
ليست هناك تعليقات:
إرسال تعليق