بتصدق ليه كلامهم ....... وتقول إني ظالمهم
دايما عني بيقولوا ...... وعاوزين مني ينولوا
قبل ما تسمع وتصدق ... لازم تيجي وتتحقق
وتحكم بيني وبينهم
قالوا عني وقالوا ....... وبكوا ف عيني الدمع
ومين سابوه ف حاله ......... فرقوا لم الجمع
مفيش ف قلوبهم ضمير
وآسيت منهم كتير
كان قلبي وده خالص ..... ليهم شوق ومحبه
نسيوا اللي بنا خالص ....... وليا عاملين أحبه
خانوا اللي اديتهم أمان
باعوا ونسيوا اللي كان
سامحت كتير وياما ......... م اللي فيا عملوه
وقلبي شاف ملاما ..... واسوء معامله عاملوه
مجيتش ف يوم شكيت
ولا ليهم حكيت
دايما عني بيقولوا ....... وعاوزين مني ينولوا
قبل ما تسمع وتصدق .... لازم تيجي وتتحقق
وتحكم بيني وبينهم
الشاعر الغنائي / عرفات فرج الله بلبل
ليست هناك تعليقات:
إرسال تعليق