توبة و رغبة بقلم رجا الاشقر

 بِقَلم : السفير د . رجا الأشقر

             أديب وشاعر

 تَوبَة وَرَغْبَة 

قَالَت :

جِسمي أنا بَردَان

وجِسمَكْ ما بِيدَفّي

كِنت مِنْ زَمان

مِثل شي بُركَان

عَ طولْ وَلْعَان 

وىصَعب تطفي 

ومَرْقِت المِدِّة

ما بَين مِش فَاضي

وْبَينْ تَعبَان

ومابَينْ مِش راضي

وْبَين زَهقان

مَرّة تْكون نَعسَان

وْأَحيان متغاضي

و بَطَّلتْ أنا بَدِّي

يِمكِن معي بِالوَعد

مَا عادِت تْوَفِّي

ودارِت الإيَّام 

ما بَينْ قُرب وخْصام

وْصُرتْ محتَدّة

وْصَعب أُقْدُر نام

وإنتْ برَّا البَيتْ

مِشْ سَألان 

لَاحِقْ النِسْوان

وَين ما كان 

وْمَرا مِنْ شَرَّكْ

وْلا يَوم خَلَّيت

وْبَسْ صُرتْ عَالحَفِّة

وْما بِقي مْن الهِمِّة

ولا نِتفِة

وْضاق فيكْ الحَال

وْبَطَّلتْ عَ هَالمِنوَالْ

قَادِر تْكَفّي

حَبَّيت مِنْ جديد

عا مَخدَعي تِلفي

وْقِلتْ يِمكِن هالمَرا                                                   كِرمال ل محَبِّة

ومِنشَان ل عيَال

ولْ قِيل ولْ قَال

تِشْفَقْ على ضَعفي .

قال :

بَعرِف أنا غَلطَان

وعَ هالمَضى نَدمَان

وْلَو كَان ما بِيفِيد

أَعمِل إِلِي تجدِيد

وإِرجَع مِثلْ ما كِنت

عَن جَدّْ رِجَّال

ما بقا تِنْفَع ولا وَصفِة

هَلَّقْ صُرتْ قَنْعَان

زورِكْ وَلَو صُدفِة

وإلِكْ كون خْيال

وْوَفي لَلْ إلْفِة

وكَفِّةْ المِيزان 

مِشْ لازِم بَقا

ترجَح عَنْ الكَفِّة 

هَالقدّ بِيكَفّي .