.......خلصت القصة ........
خلصت القصة
الكليتا قهر
وخلصت فصول المهزلة
وبديت فصولا تنجلي
هيدا إلك هيدا إلي
إلا بالإلك لا
تفتكر
كان الأمل وسع الدني
وأحلام ع المحبة بتنبني
نحلم سوى بعيش الهني
وع القهر منحقق
نصر
خلصت القصة ونكشفوا الفصول
وكل شيء واضح ع الأصول
ومخلطة بالممنوع والمقبول
تنقرب الموضوع بدنا نقول
منقول مو معقول إنا
ننكسر
منقول مو معقول يامحبوب
نبقا عنار الوجد عماندوب
روق عصابك قناع بالمكتوب
لا يفاجئك شو عندو
الدهر
مرة إلك مرة عليك
ومرة تروح ومرة تجيك
وحزن وفرح فيها عينيك
وفيها بسط وفيها
قهر
كل قصة في إلها بطل
حتى فصولا تكتمل
وكل شيء فيها محتمل
يا خسارة يا إما
النصر
لولا كتبت فصولها
القصة بعرضا
وطولها
انما عشتها عا أصولها
مافيك منها
تعتبر
..........خلصت القصة..
بقلمي
الشاعر عيسى باظة
ليست هناك تعليقات:
إرسال تعليق