خريف وسراب
لشاعر مصطفى الهنداوي
كل الاماني اللي اتبنت راحت خلاص
والقلب داب وانصهر زي الرصاص
ليه خلتني اعيش
في اوهامي ساعات
حب كان مولود في قلبي
للآسف يا خسارة مات
مات كدا في يوم وليلة
مات معاه أيام جميلة
واتنسى كل اللي فات
الدنيا من غيرك براح
وطريق شوك مليان جراح
والليل عليا طويل طويل
وعيوني مش هتشوف صباح
وأقولك ايه على ناري
أنا من يومها مش داري
بفكر فيك ليل ونهار
وتاهت بيا أفكاري
يا مرسى في بحر الضياع
كان لسه بدري على الوداع
كنت فاكر إنك انتي
هتا خدي بايدي من الفراق
ما كنتش اعرف يا حبيبتي
النهاية تكون فراق
حياتي بعدك كلها
صبحت عذاب
واتضح لي في النهاية
الحب كله كان سراب
ليست هناك تعليقات:
إرسال تعليق