مش كلمة
ولا نظرة
ولا تنهيدة
ولا غنوة
ولا كلمتين
في قصيدة
ولا دمعه علي الخدين
ولا سهره في ليلة قمره
مع نغمه حزينه
الحب
عهد و عقد
مابين الاتنين
الحب
روح واحده
مابين جسدين
ابص في عينها
اشوف نفسي
وهي تشوف الدنيا
في عيوني
اشم ريحة امي
في احضانها
وامان الدنيا
في احضاني
بلمسة ايد علي شعرك
الاقي نفسي جواكي
تبصي في عيني
ولو ثانيه
تلاقيني كتاب مفتوح
وقلبي في ايدها
بيفرفر
زي الطير المدبوح
اغير عليكي
من نفسي
اغير حتي من
همسي ومن لمسي
اغير حتي
من حضني
ضميني يانور العين
الحب
عهد و عقد
مابين الاتنين
غير كده
يبقي تسالي
وتضييع وقت
بقلم
احمد محمود
من ديوان سكة العاشقين
ليست هناك تعليقات:
إرسال تعليق