فكرت فيوم تمسك قلمك
وتسجل بيه لحظات عمرك
تكتب قراراتك وحياتك
كان إيه يوم غصب وإيه بأمرك
فكرت تسطر يوم ورقك
فكرت فى عمرك ليه سرقك
فكرت فى يوم تسأل نفسك
عايز ايه و إيه اللى فى نفسك
فكرت تلوم صاحب خانك
فكرت تطور فى مكانك
فكرت تراجع أحلامك
وتبطل ترمى على زمانك
فكرت تخلى البال رايق
وفى عز الصدمه تكون فايق
وإن فكر حد فى يوم يأذيك
يتشتت وكمان يتضايق
فكرت تعيد يوم حساباتك
تطلع بدروس من أزماتك
وتراجع دايما أحلامك
وتحافظ دايما على ذاتك
تحياتي/
مدحت لطفى عبدالعال
ليست هناك تعليقات:
إرسال تعليق