الإصول والناس العدول
والشهامة والابتسامة والقبول
في ذمة الله
الطيبة اللي كانت
شمس طالعة في البيوت
الحياء اللي كان توب النساء
دلوقتي راح وكله مباح
وبأعلي صوت
في ذمة الله
الأمانة والشرف والإحترام
والعشرة هانت والقلوب
السودة بانت والأقنعة
اللي بالكدب كانت مقنعة
بحلو الكلام
في ذمة الله
الرجولة اللي كانت وحدها بتكفي
في المواقف كتفها يكتفي
كان ليها ناس في جبينها نور
يشوفه الصباح يطفي
فى ذمة الله
اللمة والعيلة والجيران
والسلام إختفي بنا السلام
و الإبتسامة ودعت وجه اللئام
و البلاء اللي انتشر من غضب
الزمان
في ذمة الله
إرتاحو والله اللي سبقو للتراب
تركو ذكري لسه عايشة
مش هتعرف يوم غياب
ناس زعلها كان بيدوب بكلمة عتاب
كانو فعلا ناس صحاب
في ذمة الله
سيدحجازي
ليست هناك تعليقات:
إرسال تعليق