................
مصر حد
مش لحد
سيفها حامي
بألف حد
حد للي يخاف عليها
حامي للي يعادي فيها
واللي يبدء بالخيانة
مستحيل يستنى فيها
نسلها هايهده هد
مصر خيرها لغيرها اة
فاتحه بابها لأى حد
بالرضا تديك ماتبخل
تلقا منها كل ود
ويوم مابتحس بخيانه
لو جبل يتهد هد
واللي منها وجه عليها
واللي يغدر مره بيها
وعد منا نهدة هد
مصر لينا
ايوه لينا مش لحد
. مصر تضحك
بس ساعة الجد جد
أعشق فيها حبها
أبعد وتاني أرجع لها
أحلم تكون جار منها
بس يوم ماتمسها
أو حتى بس تلطها
تنبتر ايديك بجد
. مصر ناسها طيبين
الطيبه عنوان وشهم
والقلوب من فل أبيض
تغضب من اللي يغشهم
لو أمين تاخد عينيهم
ولو هاتستقوى عليهم
لو جبل تتهد هد
مصر بدايه كل حاجه
مصر حلوة الحلوات
مصر حكمة مصر كعبة
أرض الهرم والمعجزات
الأمين يدق بابها يبقى منها
واللي خان وجة عليها يمشي منها
واللي هد منها طوبه
مايندفنشي تحت منها
ونبني بينا وبينه سد
مهما يحصل او يكون
أنسى تخضع يوم لحد
سيفها لسه بالف حد
حد للي يخاف عليها
حامي للي يعدي فيها
عمرها ما تكون لحد
إلا مصر . / بقلم السيد بدر
ليست هناك تعليقات:
إرسال تعليق