جنون عشق
" زجل شعبي "
تخمين عشقتك تخمين
وحبيتك من عشر سنين
شعرك .. ها الليل الحزين
و بخدودك عطر الياسمين
تصبّر .. يا قلبي المفتون
.....
تهت بحبك شو رح قول
الجمال بحسنك مذهول
تا اكتب كلمة مخجول
لو لفّيت بعرض وطول
متلك ما بلاقي بهالكون
.....
إحكي .. و خلينا نسمع
السهرة بوجودك أروع
شمس مضوّاي بتطلع
القمر هرب .. و افرنقع
والنجمات فلّوا من هون
......
سحر المغنى .. بكلماتك
نحل ... و ناطر ورداتك
و لون الفرح بضحكاتك
و لما بتنزل ... دمعاتك
بيتخلخل ميزان الكون
......
قالوا بحسنك .. أشعار
و حبك ثلج بيشعل نار
وقلبي شو صاير محتار
خايف إنسى درب الدار
و بقلبك قلبي مسجون
......
رح خلّي حبنا .. آيات
و يألفوا عنا .. روايات
هرج ومرج وخوذ وهات
و الكلمة تصير حكايات
مجنونة و حبّت مجنون
......
وسام الحرفوش
ليست هناك تعليقات:
إرسال تعليق