عقارب الساعة واقفه
من يوم فراقك و خايفه
ما ترجعش ليا و سامعه
لوم الناس عليك
وشايفه
في عيونهم كلام
وصعبان عليهم الايام
اللي عشتها ليك
وماشفتش اهتمام
بستكفى تبعتلي بس سلام
سمعتهم بيقولوا انك غدار
وخاين وملكش امان
وملكش عزيز ولا غالي كمان
قربت منهم وسألتهم
تقصدوا مين بالكلام
قالوا حبيبك اللي فاتك من زمان
قولت لا
معقول هنت عليك وهانت الايام
تفارق وتسبني وتسيب المكان
دي عقارب الساعة واقفه
من يوم فراقك و خايفه
ما ترجعش تدق الباب
وتنسى انك ليك احباب
طب ارجع ليا وقولي
ماتسبش الناس تقولي
انك عايش حب جديد
متهني وعايش سعيد
وانا عايشة ع الذكريات
بستنى رجوعك يا غالي وبكذب اي كلام
ياترى يا حبيبي راجع
ولا أصدق اللي بيتقال
دي عقارف الساعة واقفه
من يوم فراقك و خايفه
بقلمي رقية خالد
ليست هناك تعليقات:
إرسال تعليق