من بعدها قلم / السيد بدر
.... أنا المخبوط على راسي
لسايا فاقد لتذان
الجرح فيا
وجرحي ليا
أنا الموجوع ونا التعبان
من بعدها لسه فاقد لتذان
.... كل حاجه من بعد منها
بحس ضدي
عليا جارت جت عليا
قاسمه وسطي
والحياه متلخبطه
وكل حاجه اضمها احضنها تبكى
تعاتبني ليه سيبتها
خليتها ليه تمشى
أيه بأيدي أنا أيه بأيدي
ياتوهتي من بعدها
ياحيرتي انا بعدها
لسايا فاقد لتذان
..... للدنيا سيبتينا
نحاول نعافر .. ضعاف لوحدينا
من لما سبتينا
وكل حاجه بلمستك
وكل حاجه رصاها إيدك
لساها لسه برصتك
نلمسها يهل الفل
ندقق النظر نشوف جمال صورتك
وفيها باينه ضحكتك
صدقى أنا مش مصدق
بس كان لازم اصدق
مانتى قولتي كلام كتير
وعنيكى راحت لحاجات كتير
وسرحتى ياما ونتى جانبي
جيبتى سيرة ناس كتير
قولتى سمعت جيالكم
واكدتى ومافهمتش
ورجعتى كلمتيهم
وكنتى بتضحكى
اتاريكي رايحلهم.. فرحانه بتضحكى
فكراني مافهمتش
خلاص وسيبانا
فيتانا رايحلهم
بلغيهم السلام وحضنيهم
تعبتي حقك تفرحى
فرحيهم وفرحى
....... سلامنا ليهم بلغيهم
م الدنيا روحتى... للدنيا فيتانا....
ليست هناك تعليقات:
إرسال تعليق