........... ...... .
خطوه للأمام يا مصري
لجل مصر
مدها
اوعاك ترجعها قرب
كده توجع
قلبها
دى عالينا عينيها لا يده
هاينط منها
قلبها
تسعدها خطوه للأمام
ترجعها توجع
قلبها
خطوه للأمام يا مصري
هم . مد . وروح . لها
..
مهما قالو اوعاك تصدق
وقول لهم دي تبقا
أمي
واللي متعلق فى ايدها
واللي حاضن شعر رأسها
واللي نايم لحمه حمره
فى بطنها
لحمي
دمي
يعني مني
نفس لوني
وف سماري
طبعه طبعي
حتى طيبته
هي طيبتي
فينا كل حاجه
تحبها
مد الخطوه يا مصري هم
تعبت ازحف
روح لها
والخطوه لو ميت الف ميل
واجب وشرط
نروح لها
وكل غالي عشانها يرخص
لجل نيلها
وارضها
ياللا كله يشد حيله
ولمة ياللا
نروح لها
خطوه للأمام هاتسعد
ترجعها
توجع قلبها
خطوه للأمام يا مصري
هم ياللا مدها
فين تلاقي دفا وأمان
غير وانت بس فى حضنها
خطوه للأمام يا مصري
لمة ياللا
نروح لها
للأمام خطوه .. يا مصري
لجل يفرح قلبها . السيد بدر
ليست هناك تعليقات:
إرسال تعليق