( غريب )
غريب إنت في مشاعرك
تغيب وترجع أسامحك
أقابلك بنفس شكلي
بس إنت بتغير ملامحك
تمشي وتعودلي تاني
تفرح وتعذب كياني
أجري عليك ياجاني
ينزف تاني جرحك
غريب إنت في مشاعرك
غرام قلبك جميل
وعندي ليه بخيل؟
خلتني عابر سبيل
تايه في عز فرحك
غريب إنت في مشاعرك
تعدي وتهدي الرسايل
وتقولي : القلب مايل
أقابلك بدمع سايل
وتفارق لما أصارحك
غريب إنت في مشاعرك
حكايتى ماليها آخر
معاك ياليل مهاجر
جمالك ماله ساتر
ولاعارف حتى أصالحك
غريب إنت في مشاعرك
كلمات
حربي علي
شاعرالسويس
ليست هناك تعليقات:
إرسال تعليق