حب كبير
اللي بينا حب كبير
كان فرحة وزهور ريحان
قلبك طاير وقلبي فرحان
على صوتك اصحى وعلى
صوتي تنام
اللي بينا أكبر من الحب ده
هيام وغرام
قلبك طيب آاااه ياحبيب
روحت فرحان
قلت لنعيمة وحليمة وبنات
الجيران
انا بحب ياناس ومش عارف
أنام أنا ولهان
عين صابتك ياعيني عليك
وعليا كمان
بقوا العزال بيغيروا منا
ويلطشوك بكلام متقال
وأنت بتسمع وتضحك
ومش مديهم أي إعتبار
ياروحي سامع وعارف
عايزن يفرقونا برنة
وخلخال
ويفرجوا كل الناس علينا
وكلام كان ممكن بينا يتقال
بس لا هما عايزين يشمتوا
ومشي الحال
وأنت ياقلبي تحلف تبرر
اللي تحكى وتقال
دول مجانين كل شوية يكتبوا
عن الحب ياعين
مش عارفين انهم مش في
الدماغ ولا عالبال
خايف تخسرني طب صرح
خليهم يعرفوا حبك حلال
قلت دي حببتي بكرة أراضيها
بكلمتين تتقال
عايزها تسمع كلامك وتتأسف
للاندال
بس هي حلاوتها شقية
وبت ذكية ومش ترميها
واطي ياخال
منت عارفها عنادية ورضيت
في بختك ومشي الحال
طب كل شوية تلوم وتلوم
هو كده بقى الحال
سيبها تزقطط وعليك تنقط
بشهد العسل وعال العال
أنت وهي زي العاشق
والمعشوق
وعصافير تزغرد ياعيني
عليكم مالين الدنيا
حب وجمال
تحبك آه ومش سايبها
ده هي اللي شاغلة الفكر
والبال
خليك حنين وقلبك لين
واكسبها تاني دي نصيحة
تتقال
شهناز العبادي
ليست هناك تعليقات:
إرسال تعليق