................
*أناالضحكة إللي جواها
جراح وسكون
وأنا اللي حظه مكتوب له
يعيش مهموم
وأنا الشمس إللي مرويه
بدمع عيون
وأنا السواقي والمية
بتحكي هموم
*يا جرح كاتب في الزمن
قصة الأحزان
وعايش عمري بيتسجن
جوا في ألام
لا ضحكه شافعةولا
حتي الكلام
انا في الدراما البطل
وفي المشاعر أحزان
*أنا إللي وترالعود
موجود علشان يبكيه
وأنا إللي عايش ليل
بلا نجمة تواسيه
دا حتي قمر الليل
مخبي عني عينيه
ومستني طلوع الشمس
ومتأخر ظهورها ليه
*أمانه عليك يا حزن
لا تخف عني حبه
ولا تجرح يا حزن
زي باقي الأحبه
زرعنا فيهم الأمل
بدلنا الشوك بوردة
جنينا منهم الألم
وإحنا كنا الأطبا
*يا ضحكة مالك ونسيتي
تقربي يوم لينا
وليه أصواتك بترقص
علي أحزان ليالينا
دا هما زرعوا المر
وإللي حصداه إيدينا
أمانه عليكي حبه
لا تيجي يوم تزورينا
#كرم ميخائيل
ليست هناك تعليقات:
إرسال تعليق