انا مطمئن
وما بخافش من الريح
لأن جذورنا تمد
لسابع جد تحت الارض
حاضنين بعضيهم
والأيد بتسلم عل الأيد
ولا ميت ايد تيجي
تفرق بينهم وقلوبنا
تخاف علي بعضيها
وشيطان الريح عمال
ينفخ ويولع نار
من حوالينا
وانا مطمئن ومش خايف
لأن جذورنا تمد
تحت الأرض
لسابع جد والأيد في الأيد
وفي قلوبنا حنان
علي بعضينا
لو لحظة شيطانه
يهمسله يوسوسله ويسمعله
في ثانيه عقله يرجعله
وبيقوله
احنا مالناش غير بعضينا
ومين لينا في الدنيا دي
غير اسم واحد مكتوب
ومحفور وري اسامينا
ومين فينا يتحمل
بعده عن التاني
والله ما لينا غير بعضينا
وانا اتحمل ومطمن
لأن جدورنا تمد
لسابع جد تحت الأرض
والأيد في الأيد
علي اعادينا
بقلم
احمد محمود
ليست هناك تعليقات:
إرسال تعليق