خلص الحكي
خلص الحكي كلملوا الحروف
والقلم ع القهر نشف مدمعخوع
صارت الحكمة خارج المألوف
ويلي راحوا مابظني يرجعوا
الكانوا غوالي تكبروا علينا
نسيوا الوفا والعشرة ونسيونا
ماتت أماني العيشة فينا
وكاس الفراق المر سقيونا
آخ كيف عملت فينا يالزمان
فرقتنا وكل واحد بمطرح
عايشين القهر والبعد والحرمان
وبعد الحبايب بالقلب يجرح
يزمان قلي شو بعد بدك
ماعملت فينا الديك ياه
عملت العجايب ماحدى ردك
ولاحدى تقدم إلك بي شكواه
تبهدلنا وصارت حالنا حالة
ومن وجعنا عم نشتكي الأوجاع
شربنا البهدلة حتى الثمالة
وما كان معنا تظبط الأوضاع
عميان وبليل أسود ماشيين
ومافي حدى في معو عكازة
وبقلب بحر هايج مبحرين
الكل بخطر يلعن أبو العازة
سارج البحر ما بيعرف وجهتو
ولا بيعرف إمتا رح بيوصل
مستعد يموت كرامة لقمتو
ويعيش بكرامة وبدونها يقتل
.......
بقلمي الشاعر عيسى وسوف باظة
ليست هناك تعليقات:
إرسال تعليق