..................
أنا هحكيلكم بس حكايتي
بصدق وذمه بدون تخبيط
كل منايا أنا وخطيبتي
بأوضه وصاله بجدران حيط
ولما أعزمها وأقول يا خروجه
قرطاس ترمس بيض وسميط
نعل الجزمه فاتيحها شوارع
ما فيهاش حته تعوز تظبيط
حظي وقافل بابه تماللي
حتى وظيفتي فنون تحنيط
عدا العمر بيا وبيها
نصه ندور ع التقسيط
شفت أنا أوضه بعفشه ميه
بفرشه بويه نهيص ونزيط
فجأه إتقمصت مني وزعلت
الحمام ما فيهوش سيراميك
عاوزه جهازها زى فلانه
وأبصم وأمضي فى دفتر شيك
أيه غيرها وشقلب حالها
جالها عريس شبيك لبيك
الأحلام كلها تتحق
كاش يا أبو رقعه مش تقسيط
اللي قهرني وقالق نومي
مش للحب ولا للعشرة
بس حساب البيض وسميط
سامعك يا اللي بتنصح فيا
همسك أيدي وأبقى حويط
بقلم صبري رسلان
ليست هناك تعليقات:
إرسال تعليق