سافرت بعيد وياما اتغربت ......
وبعد سنين لقيتني رجعت
دفعت م التمن غالي .............
وقولت يا ريتني ما اتغربت
رجعت وم الدموع شايل
وحظي وبختي كان مايل
شوفوا دمعي خلاص قايل
في غربتي أنا اتغذبت
ياللي انتوا كنتوا حاسديني
معشتش زيكم سني
شبابي نادي ع الشيبه
لقيت الدمع مش عيبه
سنين وسنين فيها صبرت
انا اللي الضحكة فايتاني
وعمري بعته لاحزاني
ألام ودموع كانت صحبه
هموم ليا ومتصاحبه
علي حالي أنا اتندمت
يا غربه عشتها فيكي
سنين وأخدها ليه ليكي
سرقتي مني أحبابي
وقف حزنك علي بابي
ويا ريتني ما كنت سافرت
الشاعر الغنائي / عرفات فرج الله بلبل
ليست هناك تعليقات:
إرسال تعليق