إمبارح أمي قالتلي
أنا يا ابني دعيالك
تنول اللي في قلبك
مش بس في خيالك
ساعتها قولت لقلبي
يا قلب هنييالك
خلاص لقيت الحب
وارتاح خلاص بالك
كتير دعيته يا أمي
وربي سميع وعليم
وأحلامي لسة يا أمي
دايبة في الشرايين
عمال أنادي عليهم
وهما مش سامعين
بكرة أودع زماني
وميراثي حروف دواوين
كتبت فيها يا أمي
والقلب رسمها ما شف
والقلب يهمس لنبضي
تحضن سطوره الكف
وكأن وحي خيالي
حاضن حبيبه ما عف
ولكنه مجرد خيال
جاني بحبيبي وزف
معقولة في آخر زماني
لدعوتك أنا انول
تعبت خلاص يا أمي
خلصت حروف القول
حبطل نسج الأماني
دابت خيوط النول
وكأن شبح الخيال
سراب وليا عزول
يحيى حسين القاهرة
26 أكتوبر 2023
ليست هناك تعليقات:
إرسال تعليق